هموم قلبي

موضوع: هموم قلبي الخميس أغسطس 21, 2008 9:18 am

أحس بضيقةٍ بالصدر مدري وش سبايبها

حزينه ومنكسره وأبكي ودمع العين مشقيني

ألوم النفس وأقهـرها أداريها وأعاتبها

وألوم الحظ وأدعي له وأحاكي باقي سنيني

بلـتني دنيتي بهـموم وأشقـتـني مصايبها

وأحـس بجـمرةٍ بالجوف تحرقني وتـكويني

عيوني تذرف دموعي على نفسي تحاسبها

ونفسي تشتكي دمعٍ من أحلامي يصحيني

هـمومي تـقتـل آمـالي بعيـدة ما تـقـربها

وحـظي عـاثرٍ جنبي يـعذبني ويبـكيني

سنين العمرتمضي بي على أرخص مراكبها

وبـحرٍ بعبر أمواجـه دمـوعٍ كنت باكيها

على حالي وآمـال تلاشت يا نـظر عيني

هـــمـوم الزمن هبت على قلبي هبايبها

وشالتني من أحلامي وبالاوهام ترميني

حياتي واقـعٍ مـؤلم كذا المعبود كاتبها

وأنا صادقه بإيماني والمقسوم يرضيني

جـمعت أوراق لسنيني أعـددهاوأرتبـها

وأسلي خاطري وأكتب شقاي بدمع من عيني

مشكورررررررررررررررررررررررررررررررررررررررررررر على الموضوع